1. insanların bir-birini başa düşməyi baxımından böyük bir əhəmiyyət kəsb edən, adət halına gətirilməsi gərəkdiyini düşündüyüm şey. insan gərək qarşısındakını diqqətlə dinləsin. necə deyərlər, məhz nəsə bir cavab vermək üçün yox, anlamaq üçün etsin bunu.
qarşınızdakının sizi diqqətlə dinləyib dinləmədiyini test etməyin müxtəlif yolları var. öz ağlıma gələn yolları yazıram. əgər belə bir şey hiss edir və buna ehtiyyac duyursunuzsa, söhbət əsnasında məsələn qarşınızdakına söz arasında məntiqsiz, əlaqəsiz və tamamilə mənasız bir cümlə deyərək, onun sizi dinləyib dinləmədiyini yoxlaya bilərsiniz. əgər o ayılıb, "nə?" sualı verməsə, başını aşağı-yuxarı sallamaqla kifayətlənsə və yaxud fikirli görsənməsinə baxmayaraq, ümumiyyətlə heç bir reaksiya verməsə, deməli sizi dinləmir. əlbəttə, insan hər zaman bunu qəsdən və ya pis niyyətlə etmir. bəzən adamın həqiqətən fikri yayınır və buna görə sizin dediklərinizi qaçırdır və yaxud bəzən də dediyinizi eşidib, lakin başa düşmədiyi üçün utandığından və ya sizə əziyyət vermək istəmədiyindən dediyinizi bir daha təkrar etməyinizi söyləyə bilmir.
gətirə biləcəyim bir digər misal isə dil fərqliliyi ilə bağlıdır. məsələn bir türk ilə danışarkən, onun sizi dinləmədiyini düşündüyünüz anda, arada, bildirmədən türk dil lüğətində olmayan azərbaycan dilində və yaxud daha da irəli gedərək, rus dilində sözlərdən istifadə edərək * təbii ki, əgər bu türk təsadüfən rus dilini bilmirsə onun sizi dinləyib dinləmədiyini yuxarıda qeyd etdiyim reaksiyalardan yoxlaya bilərsiniz. xüsusilə də, bir iran azərbaycanlısı ilə söhbət edərkən cümlənin arasında rus dilində sözlər işlədərək, məqsədinizə çata bilərsiniz.